WIE ONS IS

Visie en Missie

Visie: Om ‘n Geesvervulde gemeente te wees wat verlore mense lei na geestelike volwassenheid.

Missie: Om deur ons dienswerk in die gemeente en gemeenskap God se liefde te demonstreer en groei te stimuleer.

As die AGS gemeente op Standerton bou ons graag voort op ons Pinkster erfenis. Ons is lief vir die werk van die Heilige Gees binne en buite die dienste. In lyn met 1 Korintiërs 14 maak ons graag ruimte vir die vloei van die gawes van die Heilige Gees. Ons glo elkeen het ‘n gawe van God ontvang en as span kan ons Standerton vir Jesus wen!

Waardes

Geesvervuldheid
Gemeenskapsbetrokkenheid
Diensbaarheid
Dissipelskap
Eenheid
Uitnemendheid

Geskiedenis

Die AGS gemeente op Standerton is geplant in 1912. As een van die eerste AGS Gemeentes in die land wil ons graag voort bou op wat John G. Lake en Thomas Hezmalhalch soveel jare terug begin het; ‘n vars ontmoeting met die Heilige Gees. In 1988 was daar nog ‘n AGS gemeente geplant wat later bekend sou staan as die Noord gemeente, maar in 2003 het die twee gemeentes weer gemalgemeer om lewensvatbaar te bly.
Die AGS gemeente het diep spore in Standerton getrap oor die jare en ons Apostoliese roeping is duidelik sigbaar in die baanbreker werk wat ons in die verlede gedoen het. Ons hoop om herstel te bring in die gebrokenheid van ons dorp soos die leiers voor ons gedoen het.